ഇർഷാദ് കമിൽ – എവിടെയാണു നീ..എവിടെയാണ് ഞാൻ…

fabio-selvatici-obscure-series
എവിടെയാണു നീ..
എവിടെയാണ് ഞാൻ…..

അല്ലയോ മൗലാ,
നിന്റെ ദയ എന്നോടു കാണിക്കൂ….
എണ്ണുവാൻ കഴിയാത്ത അത്രയും ദുഃഖങ്ങൾ
എന്നെ മൂടിയിരിക്കുന്നു..
ഞാൻ വിശ്വസിക്കുന്നു,
നീ എന്റെ ദുഃഖങ്ങൾ അകറ്റുമെന്നു.
ഒന്നുമല്ലാത്ത ഒരുവനിലേക്ക്,
എന്നിലേക്ക് നീ കേൾക്കണേ,
എനിക്ക് വേറെയാരുമില്ല…

എന്തൊരു ഭയാനകമായ
വഴിയാണ് എന്റെ മുന്നിലുള്ളത്,
എന്തിനാണ് ദുർബലനായ
എന്നിൽ നിന്ന് നീ തിരിഞ്ഞുകളഞ്ഞത്,
ഞാൻ ഈ ഭൂമിയിൽ നിന്നു കേഴുന്നു..
ദയവായി നിന്റെ
കരുണയുടെ കൈ എന്നിലേക്ക് തിരിച്ചാലും…
എന്നിലേക്ക് ശ്രദ്ദിക്കൂ…
എനിക്ക് വേറെയാരുമില്ല…

നീ പാവങ്ങളോട്
കരുണയുള്ളവനാണ്, ബലഹീനരുടെ ശക്തിയാണ്..
എന്നിലേക്ക് ശ്രദ്ദിക്കൂ…
എനിക്ക് വേറെയാരുമില്ല…
ഞാൻ ഈ ലോകത്തെ
നഷ്ടപ്പെട്ടവരുടെ കൂട്ടത്തിലാണ്…
നീയാണ് എനിക്ക് തുണ…
പറയൂ, ഞാൻ എവിടെയാണ്…

ഞാൻ ഒറ്റപ്പെട്ടിരിക്കുന്നു…
എന്റെ ശ്വാസം പകുതി നിലച്ചുപോയിരിക്കുന്നു…
എന്നോട് കരുണ കാണിക്കൂ മൗലാ….

എവിടെയാണ് ഞാൻ..

ഇരുട്ട് എന്നിൽ മൂടപ്പെടുന്നു..
എല്ലാ പ്രകാശങ്ങളും കെട്ടുപോയിരിക്കുന്നു….
എന്റെ ശരീരം തകരുന്നു..
ഹൃദയം പരാജയപ്പെട്ടിരിക്കുന്നു….
ഭാഗ്യത്തിന്റെ നക്ഷത്രങ്ങൾ മറഞ്ഞിരിക്കുന്നു..
പ്രതീക്ഷയുടെ ഒരു കിരണമെങ്കിലും കാണിക്കൂ,
ഇവിടെയെല്ലാം ശൂന്യതയാൽ മൂടപ്പെട്ടിരിക്കുന്നു..

ഞാൻ ഒറ്റപ്പെട്ടിരിക്കുന്നു…
ദയവായി നിന്റെ കരുണയുടെ
കൈ എന്നിലേക്ക് തിരിച്ചാലും…
എന്നെ ഓർക്കണേ നാഥാ, അതോ
എന്നെ പൂർണമായും കൈവിട്ടോ  മൗലാ നീ…

എവിടെയാണു നീ……
എവിടെയാണ് ഞാൻ………………


Irshad Kamil is an Indian Hindi/Urdu poet and lyricist.


Song: TU KUJA
Singer: SUNIDHI CHAUHAN
Music: A.R. RAHMAN
Lyrics: IRSHAD KAMIL





 

Advertisements

എഡ്വാർദൊ ഗലിയാനൊ – ഒരിടത്ത് ഏകാകിയായ ഒരു വൃദ്ധനുണ്ടായിരുന്നു.

Image result for the book of embraces
” ഒരിടത്ത് ഏകാകിയായ ഒരു വൃദ്ധനുണ്ടായിരുന്നു.
പുറത്തൊന്നും പോവാതെ എല്ലായ്‌പ്പോഴും
വീടിനകത്ത് കിടന്ന് വിശ്രമിക്കുകയാണ്
അയാള്‍ ചെയ്തിരുന്നത്.
ഈ വീടിനകത്ത് നിധി ഒളിപ്പിച്ചു വച്ചിട്ടുണ്ടെന്ന്
പുറത്ത് കിംവദന്തി പരന്നിരുന്നു.

ഒരു ദിവസം ഏതാനും കള്ളന്‍മാര്‍
വീട് കുത്തിതുറന്ന് അകത്ത് കയറി.
മുഴുവന്‍ സ്ഥലവും പരിശോധിച്ച അവര്‍
നിലവറയില്‍ ഒരു പെട്ടി കണ്ടെത്തി.
പെട്ടിയുമായി പുറത്തുകടന്ന
കള്ളന്‍മാര്‍ അവ തുറന്നു പരിശോധിച്ചു.
അതിനകം നിറയെ കത്തുകളായിരുന്നു.

ആ വൃദ്ധന് ജീവിതകാലം മുഴുവന്‍ കാമുകി
യച്ചു നല്‍കിയ കത്തുകളായിരുന്നു അവ.
നിരാശരായ കള്ളന്‍മാര്‍ കത്തുകള്‍
തീയ്യിട്ടു കളയാന്‍ ആലോചിച്ചെങ്കിലും
അവസാനം അവ തിരികെ നല്‍കാന്‍ തീരുമാനിച്ചു.
ആഴ്ച്ചയില്‍ ഒരു കത്തുവീതം നല്‍കാനായിരുന്നു തീരുമാനം.
അതിന് ശേഷം എല്ലാ തിങ്കളാഴ്ച്ചയും വൈകീട്ട് വൃദ്ധന്‍ പോസ്റ്റ്‌മേനെ കാത്തു നില്‍ക്കാന്‍ തുടങ്ങി…”……. – story from ‘The Book of Embraces’ – Eduardo Galeano 
ദ ബുക്ക് ഓഫ് എംബ്രേസസ്,  എഡ്വാർദൊ ഗലിയാനൊ.




Eduardo Galeano, എഡ്വാർദൊ ഗലിയാനൊ


Image result for eduardo galeano
പ്രശസ്തനായ ഉറുഗ്വൻ എഴുത്തുകാരനും പത്രപ്രവർത്തകനുമാണ് എഡ്വാർദൊ ഗലിയാനൊ. (ജനനം : 3 സെപ്റ്റംബർ 1940 – 13 ഏപ്രിൽ 2015). ഇരുപത്തിയെട്ടോളം ഭാഷകളിൽ കൃതികൾ വിവർത്തനം ചെയ്യപ്പെട്ടിട്ടുണ്ട്. ലാറ്റിനമേരിക്കയിലെ സാമ്രാജ്യത്വവിരുദ്ധമുന്നേറ്റങ്ങൾക്ക് ചുക്കാൻപിടിച്ച ഇടതുപക്ഷ ബുദ്ധിജീവികളിൽ പ്രമുഖനായിരുന്നു.

ഉറുഗ്വയിൽ ജനിച്ച ഗലിയാനൊക്ക് 1973 ൽ രാജ്യത്ത് നടന്ന പട്ടാള അട്ടിമറിയോടെ നാടു വിടേണ്ടി വന്നു. സൈന്യത്തിന്റെ നോട്ട പുള്ളിയായ ഗലിയാനൊ അർജന്റീനയിലും സ്പെയിനിലുമായി ദീർഘകാലം ഒളിവിൽ കഴിഞ്ഞു. പട്ടാള ഏകാധിപത്യം 1985 ൽ തകർന്നതോടെ നാട്ടിൽ തിരിച്ചെത്തി. പത്രപ്രവർത്തനത്തിലും ടെലിവിഷനിലും രാഷ്ട്രീയത്തിലും സജീവമാണ്.

1971ൽ പ്രസിദ്ധീകരിച്ച ഓപ്പൺ വെയിൻസ് ഓഫ് ലാറ്റിനമേരിക്ക എന്ന കൃതി ഗലിയാനൊയെ രാജ്യാന്തരതലത്തിൽ ശ്രദ്ധേയനാക്കി. സ്പാനിഷ് അധിനിവേശകാലംമുതൽ വർത്തമാനകാലത്തെ അമേരിക്കൻ ഇടപെടൽവരെയുള്ള അഞ്ചുനൂറ്റാണ്ടുകാലത്തെ ഭൂഖണ്ഡചൂഷണത്തിന്റെ ചരിത്രംപറയുന്ന ഈ പുസ്തകം പുറത്തിറങ്ങിയതിനെത്തുടർന്ന് ഗലീനോ അറസ്റ്റിലായി.

ചിലി, അർജന്റീന, ഉറൂഗ്വയ് എന്നിവിടങ്ങളിലെ പട്ടാള ഭരണാധികാരികൾ ഗ്രന്ഥം നിരോധിച്ചു. 1973ൽ ഉറൂഗ്വേയിലെ പട്ടാളഅട്ടിമറിയെത്തുടർന്ന് ഗലീനോയെ നാടുകടത്തി. 2009ലെ അമേരിക്കൻ ഉച്ചകോടിയിൽ യുഎസ് പ്രസിഡന്റ് ബറാക് ഒബാമയ്ക്ക് പുസ്തകം സമ്മാനിച്ചുകൊണ്ട് അത് വായിക്കാൻ വെനസ്വേലൻ പ്രസിഡന്റ് ഹ്യൂഗോ ഷാവേസ് ആവശ്യപ്പെട്ടതോടെ ഗ്രന്ഥം ബെസ്റ്റ് സെല്ലർ പട്ടികയിൽ ഇടംപിടിച്ചു.

ഉറൂഗ്വയിലെ മോണ്ടി വീഡിയോയിലെ സ്വകാര്യ ആശുപത്രിയിൽ 2015 ൽ അന്തരിച്ചു. ഓപ്പൺ വെയിൻസ് ഓഫ് ലാറ്റിനമേരിക്ക, മെമ്മറി ഓഫ് ഫയർ, സോക്കർ ഇൻ സൺ ആൻഡ് ഷാഡോ, ഡേസ് ആൻഡ് നൈറ്റ്സ് ഓഫ് ലവ് ആൻഡ് വാർ, ദ ബുക്ക് ഓഫ് എംബ്രേസസ്, ഓപ്പൺ വെയിൻസ്, വോയിസസ് ഓഫ് ടൈം എന്നിവ പ്രധാന കൃതികൾ.



courtesy: Aneeb P.A., Wiki,…

നാസിം ഹിക്മെത്ത് – ഇന്നു ഞായറാഴ്ച…

Image result for prison painting

ഇന്നു ഞായറാഴ്ച.
ഇതാദ്യമായി അവരെന്നെ
തടവറയ്ക്കു പുറത്തേക്കിറക്കി.
ജീവിതത്തിലിതാദ്യമായി
ഞാൻ ആകാശം നോക്കിനിന്നു;
ഞാനത്ഭുതപ്പെട്ടു,
എത്രയകലെയാണതെന്ന്,
എത്ര നീലയാണതെന്ന്,
എത്ര വിശാലമാണതെന്ന്.
നിശ്ചേഷ്ടനായി
ഞാൻ നോക്കിനിന്നു,
പിന്നെ ചുമരിൽ ചാരി
ഭക്തിയോടെ ഞാനാ കരിമണ്ണിലിരുന്നു.
ഇപ്പോഴെന്റെ ചിന്തയിലേയില്ല മരണം,
എന്റെ ചിന്തയിലില്ല
സ്വാതന്ത്ര്യം, എന്റെ ഭാര്യയും.
ഭൂമി, സൂര്യൻ, പിന്നെ ഞാനും…
തൃപ്തനാണു ഞാൻ….


വിവർത്തനം : രവികുമാർ വി.


Image result for nazim hikmetനാസിം ഹിക്മെത്ത്, ടർക്കിഷ് കവിയും നോവലിസ്റ്റും കമ്മ്യൂണിസ്റ്റ് പാർട്ടി പ്രവർത്തകനുമായിരുന്നു. തന്റെ രാഷ്ട്രീയ നിലപാടുകളുടെ പേരിൽ ജീവിതത്തിന്റെ വലിയൊരു പങ്ക് തുർക്കിയിലെ തടവറകളിൽ കഴിയേണ്ടിവന്ന അദ്ദേഹത്തിനു നിഷ്ടൂരമായ മർദ്ധനങ്ങളാണ് നേരിടേണ്ടിവന്നത്.



(painting: Hugo Chávez, Venezuela’s president.)

നൂറൻ സിസ്റ്റേഴ്സ് – നൂറൻ സഹോദരിമാർ

നൂറൻ സിസ്റ്റേഴ്സ് / നൂറൻ സഹോദരിമാർ
maxresdefault
ജ്യോതി നൂറൻ , സുൽത്താന നൂറൻ – ശക്തമായ ശബ്ദ ഗാംഭീര്യം കൊണ്ട് ആരുടേയും മനസ് കീഴടക്കുന്ന സംഗീതം, അതാണ് നൂറൻ സഹോദരിമാരുടെ പ്രത്യേകത. ജ്യോതി നൂറനും സുൽത്താന നൂറനും പ്രശസ്തമായ ഇന്ത്യൻ സൂഫി ഗായികമാരാണ്. പ്രശസ്‌തനായ സൂഫി ഗായകൻ ഉസ്താത് ഗുൽഷൻ മിർന്റെ മക്കളായ ഇരുവരും അദ്ധേഹത്തിന്റെ തന്നെ ശിക്ഷണത്തിൽ തന്നെയാണ് സൂഫി സംഗീതത്തിൽ കഴിവ് തെളിയിച്ചത്. പഞ്ചാബിലെ ജലന്ധറിൽ ആണ് അവരുടെ സംഗീത പാരമ്പര്യം വേരുറച്ചത്. അവിടെയാണ് അവരുടെ ജന്മസ്ഥലവും. അച്ഛന്റെ ശിക്ഷണത്തിൽ പത്തു വർഷത്തിലേറെയായി പാരമ്പര്യ സൂഫി സംഗീതം ഇരുവരും പഠിച്ചു. ഇരുവരുടെയും മുത്തശ്ശിയായ ബീബി നൂറൻ എഴുപതുകളിലെ പ്രശ്സതയായ സൂഫി ഗായികയായിരുന്നു. നൂറൻ സിസ്റ്റേഴ്സ് എന്ന പേര് അങ്ങനെയാണ് ലഭിച്ചത്.



നൂറൻ സിസ്റ്റേഴ്സിന്റെ ചില ഗാനങ്ങൾ.⇓⇓⇓⇓⇓

ആർ രതീഷ് കൃഷ്ണ – ബുദ്ധനും പട്ടിയും

Image result for moon
ബുദ്ധനും പട്ടിയും
_
> മുഖവുര:
കവിത
കവികളുടെ തൊഴുത്തിലെ
‘വിശുദ്ധ പശു’വല്ല.
_
‘ബുദ്ധനും പട്ടിയും’
> ഞാനിന്നലെ അത്താഴമുപേക്ഷിച്ചു;
ഒരു തെരുവുപട്ടി എന്നോടിപ്പോള്‍
ചെവിതാഴ്ത്തി വാലാട്ടുന്നു
ഞാനതിനെ എന്‍റെ പേരിട്ടു വിളിച്ചു.
_
ഇന്ന് രാജപൂര്‍ണ്ണിമ;
രാജാവിന്‍റെ പ്രതിമവില്‍ക്കുന്ന ചന്തയില്‍
വിശന്നുമരിച്ച കുഞ്ഞുങ്ങളെ
വിലയിട്ടുവാങ്ങുന്നു
‘വീട്ടില്‍ പട്ടിയെ വളര്‍ത്തുന്ന’
ഒരു കൂട്ടം പരിഷ്കാരികള്‍.
രാജകീയ വിരുന്നില്‍
വളര്‍ത്തുനായകള്‍ക്കും
പ്രത്യേകം തീറ്റയൊരുക്കിയിരുന്നു;
കാണാതായ കുഞ്ഞുങ്ങളെ
തീയില്ലാത്ത ഗ്രാമത്തിലെ അമ്മമാര്‍
‘ആര്‍ക്കും തിരിയാത്ത ഭാഷയില്‍’
പേരുവിളിക്കുമ്പോള്‍
രാജ്യത്തെ തീന്മേശകളൊന്നാകെ
‘ഒരൊറ്റ ഭാഷയില്‍’
വിളികേള്‍ക്കുന്നു!
_
ബോധോദയം ലഭിച്ചതിന്‍റെ
ഏഴാം ദിവസം
പലഹാരങ്ങളുമായി ഗൌതമന്‍
തെരുവുകുട്ടികളെ കാണാന്‍ പോയിരുന്നു;
ശിഷ്യഗണങ്ങളില്ലാത്ത ബുദ്ധനെ
ഇന്നാരും തിരിച്ചറിയില്ല.
_
‘ജാതിയും മതവുമില്ലാത്തവന്‍
കവിതയെഴുതുന്നോടാ പട്ടീ’
തെരുവില്‍ വച്ചയാള്‍
ഉച്ചത്തില്‍ മുഖത്താട്ടുന്നു;
കൈനിറയെ മിഠായികള്‍ വാരിവിതറി
ഉടുപ്പില്ലാത്ത കുട്ടികളോടൊപ്പം
ഒരാള്‍ നടന്നു പോകുന്നു.
_

അനുബന്ധം:
വെന്തകാലുകളുമായി കയറിവന്ന
തെരുവു പട്ടിയാണ് എന്‍റെ കവിത
തലനിറയെ പുഴുക്കളുമായി
അത് തെരുവിലേക്കു തിരിച്ചു പോയി.


കടപ്പാട് : ആർ രതീഷ് കൃഷ്ണ.



 

റൂമി – നീയും ഞാനും

നാമിരുവരുമൊരുമിച്ചിരിക്കുന്ന
ഈ അനര്ഘനിമിഷങ്ങളില്‍
രണ്ടു രൂപങ്ങളില്‍,
രണ്ടു മുഖങ്ങളില്‍
നമ്മളൊരാത്മാവ്.

ഈ പൂന്തോപ്പില്‍
ചുറ്റിക്കറങ്ങുമ്പോള്‍
പൂക്കളുടെ നറുമണവും
കിളിക്കൊഞ്ചലുകളും
നമുക്കിന്നു ജീവാമൃതം .

നമ്മെ ഉറ്റുനോക്കുന്ന
ആ നക്ഷത്രങ്ങള്‍ക്ക്
ചന്ദ്രബിംബം
നമ്മള്‍ കാട്ടിക്കൊടുക്കും.

രണ്ടെന്ന ഭാവം വെടിഞ്ഞ്
നമ്മള്‍ ഒന്നാകലിന്റെ
നിര്‍വൃതി അനുഭവിക്കും.

ആ ഹര്ഷോന്മാദത്തില്‍ നമ്മള്‍
പാഴ്വാക്കുകളില്‍നിന്നു
മോചിതരാകും

മധു നുകരാനെത്തുന്ന
ആകാശപ്പറവകള്‍
നമ്മുടെ സന്തോഷാശ്രുക്കളാല്‍
ഹൃദയം നിറയ്ക്കും .

ഏതിന്ദ്രജാലത്താലാണ്
ലോകത്തിന്‍റെ രണ്ടറ്റത്താണെങ്കിലും
നാമിങ്ങനെ ചേര്‍ന്നിരിക്കുന്നത് ?!

ഈ ലോകത്ത് നമുക്കൊരു രൂപം
അടുത്ത ലോകത്തു മറ്റൊന്നാകാം .
ഒടുവില്‍ ,
ആ അനശ്വര ലോകത്തും
നാമിരുവരുമൊന്നായിരിക്കും.



courtesy : 



മൗലാന ജലാൽ അദ്ദീൻ മുഹമ്മദ് റൂമി (1207-1273) 

പതിമൂന്നാം നൂറ്റാണ്ടിലെ പേർഷ്യൻ കവിയും സൂഫി സന്യാസിയുമായിരുന്നു. ഇന്നത്തെ അഫ്‌ഗാനിസ്ഥാനിലുള്ള ബാൽഖ് പ്രവിശ്യയിലാണ് അദ്ദേഹം ജനിച്ചത്. ജീവിത്തിന്റെ ഏറിയ പങ്കും ഇന്നത്തെ തുർക്കിയിലെ കോന്യയിൽ അതായത് പഴയ റോമ സാമ്രാജ്യത്തിന്റെ ഭാഗമായിരുന്ന പ്രദേശത്ത് കഴിഞ്ഞതിനാൽ റൂമി എന്ന വിശേഷണ നാമത്തിൽ അറിയപ്പെടുന്നു. അദ്ദേഹത്തിന്റെ കവിതകളും അദ്ധ്യാപനങ്ങളും വിശ്വോത്തരവും ഒട്ടനേകം ലോകഭാഷകളിൽ വിവർത്തനം ചെയ്യപ്പെട്ടവയുമാണ്. റൂമിയുടെ ആത്മീയ ഈരടികൾ എന്നറിയപ്പെടുന്ന മസ്നവി എ മഅനവി എന്ന കൃതിയാണ് ഇദ്ദേഹത്തിന്റെ രചനകളിൽ ഏറ്റവും പ്രശസ്തമായത്.ദിവാൻ എ കബീർ എന്ന കൃതിയും പ്രശസ്തമാണ്.

മസ്നവി എന്ന് പരക്കെ അറിയപ്പെടുന്ന മസ്നവി എ മഅനവിയാണ് റൂമി കൃതികളിൽ ഏറ്റവും വിഖ്യാതം. ആത്മീയ ജ്ഞാന ഈരടികൾഎന്നാണ് പേരിന്റെ അർഥം. തന്റെ 54ആം വയസ്സിൽ ആരംഭിച്ച ഇതിന്റെ രചന മരണം വരെയും തുടർന്നിരുന്നു. 6 ഭാഗങ്ങളായി തിരിച്ചിട്ടുള്ള ഈ കൃതിയുടെ അവസാന ഭാഗം അപൂർണ്ണമാണ്. ഖുർആൻ, ഹദീസ്, ബൈബിൾ, ഇസോപ്പ് കഥകൾ,പഞ്ചതന്ത്രം, തുടങ്ങിയ വൈവിധ്യമാർന്ന ശ്രോതസ്സുകളിൽ നിന്നുമുള്ള കഥകളും സംഭവങ്ങളും സരോപദേശം നൽകനായി പുനർനിർമ്മിച്ചുകൊണ്ടുള്ള ഒരപൂർവ്വ ശൈലിയാണ് മസ്നവിയിൽ കാണുന്നത്. 50,000 വരികളുള്ള മസ്നവി എ മഅനവി, പേർഷ്യൻ, ഓട്ടൊമൻ സാഹിത്യത്തിൽ ഉപയോഗിക്കപ്പെട്ടിരുന്ന മസ്നവി പദ്യശൈലിയിലാണ്(മത്നവി, മെസ്നെവി എന്നിങ്ങനെയും അറീയപ്പെടുന്നു) രചിക്കപ്പെട്ടിരിക്കുന്നത്. ഇതിലെ 424 കഥകൾ ദൈവവുമായുള്ള ഐക്യത്തിനു വേണ്ടിയുള്ള മനുഷ്യന്റെ നിരന്തരമായ അന്വേഷണത്തെ വരച്ചുകാട്ടുന്നു. പേർഷ്യൻ സാഹിത്യത്തിലേയും സൂഫി സാഹിത്യത്തിലേയും ഏറ്റവും മികച്ചതും സ്വാധീനിക്കപ്പെട്ടതുമായ കാവ്യങ്ങളിൽ ഒന്നായി കണക്കാക്കുന്നു.

  ദീവാൻ എ ശംസ് എന്നും ദീവാൻ എ കബീർ എന്നും അറിയപ്പെടുന്ന ദീവാൻ എ ശംസ അതബരീസി എന്ന പേർഷ്യൻ മഹാകാവ്യമാണ് റൂമിയുടെ മറ്റൊരു പദ്യ കൃതി. ഗുരുവും സുഹൃത്തുമായ ശംസ് അതബരീസിയുടെ ബഹുമാനർഥം നാമകരണം ചെയ്യപ്പെട്ട ഈ കാവ്യം പക്ഷേ ഒരു സ്മരണിക കാവ്യമല്ല. 40000ലേറെ വരികളാണ് ഇതിലുള്ളത്.
ഫിഹി മാഫിഹി – റൂമിയുടെ 70 പ്രഭാഷണങ്ങളുടെ സമാഹാരം.വിവിധ കാലങ്ങളിലായി ചെയ്ത ഈ പ്രഭാഷണങ്ങൾ ക്രോഢീകരിച്ചത് ശിഷ്യന്മാരായിരുന്നെങ്കിലും അവയും റൂമി കൃതിയായി ഗണിക്കപ്പെട്ടുവരുന്നു.
സബഅ മജാലിസ് – ഏഴു പ്രഭാഷണങ്ങൾ. ഖുർ ആന്റെയും ഹദീസുകളുടെയും ആന്തിരിക ജഞാനം ഈ പ്രഭാഷണങ്ങളിലൂടെ റൂമി വെളിപ്പെടുത്തുന്നു.
മകാത്തീബ് – റൂമി തന്റെ ബന്ധുകൾക്കും, സുഹൃത്തുക്കൾക്കും ശിഷ്യ്ന്മാർക്കും ഭരണകർത്താക്കൾക്കും ഉദ്യോഗസ്ഥന്മാർക്കുമായി അയച്ചിരുന്ന കത്തുകളുടെ സമാഹാരമാണിത്.

റൂമിയുടെ പുത്രനായിരുന്ന സുൽത്താൻ വാ അലാദ്, റൂമിയുടെ ശിഷ്യരെ മൗലവികൾ‌ എന്ന സംഘമായി ഏകീകരിച്ചു. മൗലാനയുടെ ശിഷ്യർ എന്നാണ് മൗലവി എന്നതിനർത്ഥം. കറങ്ങുന്ന സൂഫികൾ (Whirling Dervishes) എന്നാണ് സാധാരണ ഇവർ അറീയപ്പെടുന്നത്. നെയ് (Ney)എന്ന തുർക്കി ഓടക്കുഴലിന്റെ സംഗീതത്തിനൊപ്പമുള്ള കറങ്ങിക്കൊണ്ടുള്ള നൃത്തം ഇവരുടെ ആരാധനയുടെ ഭാഗമാണ്.

റൂമി, അടിമത്തത്തേയും ബഹുഭാര്യത്വത്തേയ്യും എതിർത്തിരുന്നു. സ്ത്രീകൾക്ക് മത-സാമൂഹികജീവിതത്തിൽ ഉയർന്ന സ്ഥാനം കൽപ്പിച്ചു. സത്യത്തിന്റേയ്യും സൗന്ദര്യത്തിന്റേയും എല്ലാ രൂപങ്ങളേയും അവയുടെ ഉറവിടം നോക്കാതെ പിന്തുടരാനും സ്നേഹമുള്ളവരും പരസ്പരബഹുമാനമുള്ളവരും ദാനശീലരും ആയിരിക്കുന്നതിനും അദ്ദേഃഹം തന്റെ ശിഷ്യരെ പഠിപ്പിച്ചു.

റൂമിയുടെ ചിന്തകൾ, തികഞ്ഞ മതവിദ്വേഷിയായിരുന്ന തുർക്കി പ്രസിഡണ്ട്, കമാൽ അത്താത്തുർക്കിനെ വരെ സ്വാധീനിച്ചിരുന്നു. അദ്ദേഹത്തിന്റെ കാഴ്കപ്പാടിൽ മൗലവി ദൈവവീക്ഷണം, പരമ്പരാഗത അറബിദൈവവിശ്വാസത്തിന്റെ മൗലികചട്ടക്കൂടിൽ നിന്നും അയഞ്ഞതും തുർക്കികൾക്ക് ചേർന്നതുമാണെന്നതുമായിരുന്നു. എന്നിരുന്നാലും 1925-ൽ മൗലവികളുടേതടക്കമുള്ള സൂഫി ആശ്രമങ്ങൾ അടച്ചുപൂട്ടാൻ കമാൽ മടിച്ചില്ല. പിന്നീട് 1957-ലാണ് ചരിത്രപാരമ്പര്യം നിലനിർത്താൻ ഒരു സാംസ്കാരികസംഘടനയായി പ്രവർത്തിക്കാൻ മൗലവികൾക്ക് സർക്കാർ അനുവാദം നൽകിയത്.



റൂമി – പലായനത്തിന്റെ പൊരുള്‍

വൃക്ഷങ്ങള്‍ക്കു
പാദങ്ങളും ചിറകുകളും
ഉണ്ടായിരുന്നെങ്കില്‍ ,
സ്വതന്ത്രമായി
സഞ്ചരിക്കാന്‍
കഴിയുമായിരുന്നെങ്കില്‍
മഴുവിന്റെ ആക്രമത്തില്‍ നിന്നും ,
വാളിന്റെ മൂര്‍ച്ചയില്‍ നിന്നും
ഓടി മാറാമായിരുന്നു .

സൂര്യന്‍ ദിനവും
പടിഞ്ഞാറസ്തമിച്ചില്ലെങ്കില്‍
പ്രഭാതത്തില്‍ പ്രപഞ്ചം
പ്രകാശത്തില്‍ തിളങ്ങുന്നതെങ്ങനെ !

കടലിലെ ജലം
നീരാവിയായി
ആകാശത്തെത്തിയില്ലെങ്കില്‍
ഭൂമിയെങ്ങനെ
മഴയാല്‍ തളിര്‍ക്കും ?

ചിപ്പിയിലെത്തിയില്ലെങ്കില്‍
കടല്‍വെള്ളമെങ്ങനെ
മുത്തായി മാറും !

യുസഫ്
വിലപിക്കുന്ന പിതാവില്‍നിന്നു
യാത്രയായില്ലെങ്കില്‍
രാജാവാകുന്നതെങ്ങനെ ?

മുസ്തഫ മദീനയിലേക്കു
പലായനം ചെയ്തില്ലെങ്കില്‍
എങ്ങനെയാണ്
സാമ്രാജ്യങ്ങളുടെ അധിപനാകുക ?



courtesy : 



മൗലാന ജലാൽ അദ്ദീൻ മുഹമ്മദ് റൂമി (1207-1273) 

പതിമൂന്നാം നൂറ്റാണ്ടിലെ പേർഷ്യൻ കവിയും സൂഫി സന്യാസിയുമായിരുന്നു. ഇന്നത്തെ അഫ്‌ഗാനിസ്ഥാനിലുള്ള ബാൽഖ് പ്രവിശ്യയിലാണ് അദ്ദേഹം ജനിച്ചത്. ജീവിത്തിന്റെ ഏറിയ പങ്കും ഇന്നത്തെ തുർക്കിയിലെ കോന്യയിൽ അതായത് പഴയ റോമ സാമ്രാജ്യത്തിന്റെ ഭാഗമായിരുന്ന പ്രദേശത്ത് കഴിഞ്ഞതിനാൽ റൂമി എന്ന വിശേഷണ നാമത്തിൽ അറിയപ്പെടുന്നു. അദ്ദേഹത്തിന്റെ കവിതകളും അദ്ധ്യാപനങ്ങളും വിശ്വോത്തരവും ഒട്ടനേകം ലോകഭാഷകളിൽ വിവർത്തനം ചെയ്യപ്പെട്ടവയുമാണ്. റൂമിയുടെ ആത്മീയ ഈരടികൾ എന്നറിയപ്പെടുന്ന മസ്നവി എ മഅനവി എന്ന കൃതിയാണ് ഇദ്ദേഹത്തിന്റെ രചനകളിൽ ഏറ്റവും പ്രശസ്തമായത്.ദിവാൻ എ കബീർ എന്ന കൃതിയും പ്രശസ്തമാണ്.

മസ്നവി എന്ന് പരക്കെ അറിയപ്പെടുന്ന മസ്നവി എ മഅനവിയാണ് റൂമി കൃതികളിൽ ഏറ്റവും വിഖ്യാതം. ആത്മീയ ജ്ഞാന ഈരടികൾഎന്നാണ് പേരിന്റെ അർഥം. തന്റെ 54ആം വയസ്സിൽ ആരംഭിച്ച ഇതിന്റെ രചന മരണം വരെയും തുടർന്നിരുന്നു. 6 ഭാഗങ്ങളായി തിരിച്ചിട്ടുള്ള ഈ കൃതിയുടെ അവസാന ഭാഗം അപൂർണ്ണമാണ്. ഖുർആൻ, ഹദീസ്, ബൈബിൾ, ഇസോപ്പ് കഥകൾ,പഞ്ചതന്ത്രം, തുടങ്ങിയ വൈവിധ്യമാർന്ന ശ്രോതസ്സുകളിൽ നിന്നുമുള്ള കഥകളും സംഭവങ്ങളും സരോപദേശം നൽകനായി പുനർനിർമ്മിച്ചുകൊണ്ടുള്ള ഒരപൂർവ്വ ശൈലിയാണ് മസ്നവിയിൽ കാണുന്നത്. 50,000 വരികളുള്ള മസ്നവി എ മഅനവി, പേർഷ്യൻ, ഓട്ടൊമൻ സാഹിത്യത്തിൽ ഉപയോഗിക്കപ്പെട്ടിരുന്ന മസ്നവി പദ്യശൈലിയിലാണ്(മത്നവി, മെസ്നെവി എന്നിങ്ങനെയും അറീയപ്പെടുന്നു) രചിക്കപ്പെട്ടിരിക്കുന്നത്. ഇതിലെ 424 കഥകൾ ദൈവവുമായുള്ള ഐക്യത്തിനു വേണ്ടിയുള്ള മനുഷ്യന്റെ നിരന്തരമായ അന്വേഷണത്തെ വരച്ചുകാട്ടുന്നു. പേർഷ്യൻ സാഹിത്യത്തിലേയും സൂഫി സാഹിത്യത്തിലേയും ഏറ്റവും മികച്ചതും സ്വാധീനിക്കപ്പെട്ടതുമായ കാവ്യങ്ങളിൽ ഒന്നായി കണക്കാക്കുന്നു.

  ദീവാൻ എ ശംസ് എന്നും ദീവാൻ എ കബീർ എന്നും അറിയപ്പെടുന്ന ദീവാൻ എ ശംസ അതബരീസി എന്ന പേർഷ്യൻ മഹാകാവ്യമാണ് റൂമിയുടെ മറ്റൊരു പദ്യ കൃതി. ഗുരുവും സുഹൃത്തുമായ ശംസ് അതബരീസിയുടെ ബഹുമാനർഥം നാമകരണം ചെയ്യപ്പെട്ട ഈ കാവ്യം പക്ഷേ ഒരു സ്മരണിക കാവ്യമല്ല. 40000ലേറെ വരികളാണ് ഇതിലുള്ളത്.
ഫിഹി മാഫിഹി – റൂമിയുടെ 70 പ്രഭാഷണങ്ങളുടെ സമാഹാരം.വിവിധ കാലങ്ങളിലായി ചെയ്ത ഈ പ്രഭാഷണങ്ങൾ ക്രോഢീകരിച്ചത് ശിഷ്യന്മാരായിരുന്നെങ്കിലും അവയും റൂമി കൃതിയായി ഗണിക്കപ്പെട്ടുവരുന്നു.
സബഅ മജാലിസ് – ഏഴു പ്രഭാഷണങ്ങൾ. ഖുർ ആന്റെയും ഹദീസുകളുടെയും ആന്തിരിക ജഞാനം ഈ പ്രഭാഷണങ്ങളിലൂടെ റൂമി വെളിപ്പെടുത്തുന്നു.
മകാത്തീബ് – റൂമി തന്റെ ബന്ധുകൾക്കും, സുഹൃത്തുക്കൾക്കും ശിഷ്യ്ന്മാർക്കും ഭരണകർത്താക്കൾക്കും ഉദ്യോഗസ്ഥന്മാർക്കുമായി അയച്ചിരുന്ന കത്തുകളുടെ സമാഹാരമാണിത്.

റൂമിയുടെ പുത്രനായിരുന്ന സുൽത്താൻ വാ അലാദ്, റൂമിയുടെ ശിഷ്യരെ മൗലവികൾ‌ എന്ന സംഘമായി ഏകീകരിച്ചു. മൗലാനയുടെ ശിഷ്യർ എന്നാണ് മൗലവി എന്നതിനർത്ഥം. കറങ്ങുന്ന സൂഫികൾ (Whirling Dervishes) എന്നാണ് സാധാരണ ഇവർ അറീയപ്പെടുന്നത്. നെയ് (Ney)എന്ന തുർക്കി ഓടക്കുഴലിന്റെ സംഗീതത്തിനൊപ്പമുള്ള കറങ്ങിക്കൊണ്ടുള്ള നൃത്തം ഇവരുടെ ആരാധനയുടെ ഭാഗമാണ്.

റൂമി, അടിമത്തത്തേയും ബഹുഭാര്യത്വത്തേയ്യും എതിർത്തിരുന്നു. സ്ത്രീകൾക്ക് മത-സാമൂഹികജീവിതത്തിൽ ഉയർന്ന സ്ഥാനം കൽപ്പിച്ചു. സത്യത്തിന്റേയ്യും സൗന്ദര്യത്തിന്റേയും എല്ലാ രൂപങ്ങളേയും അവയുടെ ഉറവിടം നോക്കാതെ പിന്തുടരാനും സ്നേഹമുള്ളവരും പരസ്പരബഹുമാനമുള്ളവരും ദാനശീലരും ആയിരിക്കുന്നതിനും അദ്ദേഃഹം തന്റെ ശിഷ്യരെ പഠിപ്പിച്ചു.

റൂമിയുടെ ചിന്തകൾ, തികഞ്ഞ മതവിദ്വേഷിയായിരുന്ന തുർക്കി പ്രസിഡണ്ട്, കമാൽ അത്താത്തുർക്കിനെ വരെ സ്വാധീനിച്ചിരുന്നു. അദ്ദേഹത്തിന്റെ കാഴ്കപ്പാടിൽ മൗലവി ദൈവവീക്ഷണം, പരമ്പരാഗത അറബിദൈവവിശ്വാസത്തിന്റെ മൗലികചട്ടക്കൂടിൽ നിന്നും അയഞ്ഞതും തുർക്കികൾക്ക് ചേർന്നതുമാണെന്നതുമായിരുന്നു. എന്നിരുന്നാലും 1925-ൽ മൗലവികളുടേതടക്കമുള്ള സൂഫി ആശ്രമങ്ങൾ അടച്ചുപൂട്ടാൻ കമാൽ മടിച്ചില്ല. പിന്നീട് 1957-ലാണ് ചരിത്രപാരമ്പര്യം നിലനിർത്താൻ ഒരു സാംസ്കാരികസംഘടനയായി പ്രവർത്തിക്കാൻ മൗലവികൾക്ക് സർക്കാർ അനുവാദം നൽകിയത്.